Hans Jákup Arngrímsson hevur í ár verið fastur maður millum stólparnar á U-21 landsliðnum. Samstundis hevur hann verið eykamálverji í Víkingi, har Bárður á Reynatrøð higartil hevur verið sjálvskrivaður í málinum.

Nú verður Hans Jákup Arngrímsson fastur málverji í bestu deildini.

Skála boðar frá, at felagið hevur skrivað undir tvey ára sáttmála við Hans Jákup Arngrímsson, sum er fastur maður í málinum hjá Víkingi í 1. deild.

21 ára gamli Hans Jákup Arngrímsson hevur higartil bara umboðað barndómsfelagið í Sarpugerði. FaroeSoccer veit at siga, at hann hevur spælt ein dyst í bestu deildini, ein í kappingini um løgmanssteypið og 108 landskappingardystir í 1. deild. Og so vardi hann málið í summar, tá ið Víkingur á heimavølli í innleiðandi umfari í UEFA Conference League vann 2-1 ímóti Linfield FC.

U-21 landsliðið hevur í ár spælt fimm dystir, og Hans Jákup hevur allar fimm ferðirnar vart málið.