Nú fer løgtingið undir at viðgera størstu verkætlan í Føroya søgu. Tað er uppskotið um at projektera Suðuroyartunnilin og at bjóða arbeiðið út.

Tað eru nógv, sum eru ímóti verkætlanini, tí tey halda, at hon er alt ov dýrt fyri føroyska samfelagið.

Men nú Løgtingið fer undir at viðgera málið, hevur eitt sermerkt uppskot sæð dagsins ljós um, hvussu tunnilin kann fíggjast,

Tað er Óli M. Lassen, siviløkonomur og stjóri ráðgevarafyritøkuni, Mercon í Klaksvík, sum hevur sett uppskotið fram, og hann vil fegin, at Løgtingið tekur tað við í viðgerðini.

Hann sigur, verður farið undir Suðuroyartunnulin, er at tað avgerðandi, at tunnilin er framtíðartryggjaður. Og tí má hann - minst - hava somu breidd og hædd sum Eysturoyartunnilin.

Annars er ætlanin fyri fyriliggur, at Suðuroyartunnilin skal verða sum Sandoyartunnilin, ið ikki er líka víður sum Eysturoyartunnilin.

Men fyri at fíggja tunnilin, heldur Óli M. Lassen, at tað er sjálvsagt at bjóða NATO, ella USA at gera eina flotahavn í Suðuroy.

Hann heldur, at tað fer at geva okkum einar 200 milliónir í inntøku um árið.

Somuleiðis er sjálvsagt, at vit bjóða NATO, ella Danmark at gera eina radarstøð í Føroyum. Tað kunnu vit fáa einar 100 milliónir í leigu fyri um árið, sigur Óli M. Lassen.

– Soleiðis fáa vit fíggja verkætlanina Suðuroyartunnilin, uttan at hetta ávirkar føroysku fíggjarætlanina og búskapin, nevnivert, sigur Óli M. Lassen.

– Hetta er sjálvsagt, leggur hann afturat.