Tá ið flogfarið hjá Atlantsflogi lendi í Vágum í gjár, fekk narkohundurin hjá tollarunum áhuga fyri einum ungum danskara, sum var eitt av ferðafólkunum.

Tollararnir tóku hann til viks og tá ið viðførið varð kannað, vísti tað seg, at hann hevði 1,9 kilo av hassji í viðførinum.

Løgreglan varð boðsent og maðurin varð handikin og settur í varðhaldið. Og av tí at hann játtaði seg sekan, varð hann førdur fyri rættin fyrr í dag.

Har fekk hann dóm á staðnum, og dómurin var, at hann skal sita í fýra mánaðir í fongsli.

Eftir dómin, sum maðurin góðtók, varð hann leyslatin aftur og so verða boð eftir honum einni at sita dómin, og tað verður helst í Danmark.