Tað hevur verið rættiliga friðarligt í Klaksvík, hóast túsundtals fólk hava verið í Klaksvík, har ársins summarfestivalur hevur verið.

Men ein maður varð handtikin í nátt og lagdur í brummuna at sova rúsin av sær. Og tað varð hann tí hann hunddálkaði ein av politistunum, sum var til arbeiðis í Klaksvík í samvandi við summarfesti

Slík framferð verður ikki góðtikin og tí varð maðurin, sum var rættiliga drukkin, handtikin og lagdur í brummuna.

Tá ið hann hevur sovið rúsin av sær í morgun, verður hann leyslatin, men tá fær hann eisini eina bót við sær til hús.

Hann er skuldsettur eftir grein 121 í revsilógin, har tað stendur, at tann, sum háðar, spillir út, eyknevnir, ella upp aðrar mátar, hunddálkar ein tænastumann ímeðan hann er til arbeiðis, verður revsaður við bót, ella í ringasta føri, við eitt árs fongsulsrevsing.

Løgreglan sigur, at í hesum føri verður kortini ikki talan um fongsulsrevsing, men um eina bót.