Tíðliga í morgun, umleið klokkan 5.45 tíðina, varð Sandoyartunnilin brádliga stongdur. Tað hendir við tað, at bummarnir við tunnilsmunnarnar fóru niður.

Løgreglan sigur, at tunnilin varð kannaður, men har var einki at síggja. Tey siga, at uttan iva var talan um ein tekniskan feil í einum brandskápi í tunlinum.

Tunnilin var stongdur ein lítlan hálvan tíma, so var hann opin aftur, men nú í dag, skal málið kannast.

Løgreglan sigur, at av tí at tað var so tíðliga, var eingin ferðsla.

Løgreglan sigur, at annars hevur tað verið avbera friðarligt hetta síðsta samdøgurið.