Síðsta bríksl millum Sveis og Montenegro hevur verið í Oslo, og máltalvan sigur, at Sveis vann 43-26. Spælararnir hjá Montenegro vóru á vøllinum, men sinniliga vóru teir farnir til hús og løgdu rygg til eyðmýkjandi stórtap. Teir tveittu fleiri ferðir bóltin burtur, og teir tímdu ikki at renna. Tað sá næstan soleiðis út, at tapið var tilætlað.

Sum myndin vísir, so vóru føroysku spælararnir millum áskoðararnar, og teir fara nú undir upphitingina undan dystinum ímóti Slovenia. Teir kenna treytirnar, sum eru, at Føroyar skulu vinna í minsta lagi eitt stig fyri at tryggja sær pláss í miðumfarinum í Malmø.

Aftur í kvøld eru Helgi Hildarson Hoydal og Kjartan Johansen millum áskoðararnar.

Dómarar í kvøld eru Andreu Marin og Ignacio Garcia úr Spania.