Móðir suðuroyingar sum hava verið í Oslo, sleppa ikki heim fyrr enn í morgin, hettar var at hoyra í tíðindunum í Kvf í kvøld.

Skipini bæði, Norrøna og Smyril, vóru í Havnini í senn, tey møttust uttanfyri molan. Smyril kundi tó ikki bíða longur eftir at Norrøna legði at, tí tað er ov keðiligt veður.

Smyril mátti tí fara avstað áðrenn tíð, og Norrøna lá og bíðaði eftir, at Smyril fór frá Kai.

Virkandi stjórin á Strandfaraskip Landsins, Dánjal Samuelsen, sigur at tey eru øgiliga harm um støðuna, men tað bar ikki til at bíða longur tí so verður tað ein ógvuliga ringur túrur suður.

Ikki fyrr enn15.30 í morgin verður aftur farandi til Suðuroyar, tí veðurforsøgnin boðar frá ringum veðri.