Aðalskrivarin í NATO gevur grønt ljós til at skjóta russisk flogfør niður, um tað er neyðugt, um tey bróta loftrúmið hjá NATO.

- Um neyðugt. So eg eri púra samdur við Trump forseta, sigur Mark Rutte í samrøðu við Fox News í dag.

Hann leggur afturat, at starvsfólk hjá NATO eru útbúgvin at meta um slíkar hóttanir og gera av, um tey kunnu fylgja russiskum flogførum úr loftrúminum hjá samgonguni, ella um tørvur er á fleiri tiltøkum.

Á ST-aðalfundinum í gjár heitti amerikanski forsetin, Donald Trump, á NATO-londini um at skjóta russisk flogfør niður, um tey bróta loftrúmið hjá NATO.

Spurdur um USA vil stuðla einum slíkum skottilburði, svaraði Trump, sambært Reuters, at tað veldst um umstøðurnar.

Aðalskrivarin í Nato, Mark Rutte, váttar eisini á X, at hann hevur tosað við Mette Frederiksen.

NATO tekur dronustøðuna í Danmark í størsta álvara, stendur í fráboðanini.

- Nato-sambandslondini og Danmark arbeiða saman um, hvussu vit kunnu tryggja trygdina á okkara kritiska undirstøðukervi, skrivar Mark Rutte.

Enn hava myndugleikarnir ikki funnið nakað prógv fyri, um tað eru russar ella onkur annar, sum stendur aftanfyri dronuórógvingini.

Russar sjálvir hava avnoktað.

Sí: https://dimma.fo/grein/russiska-sendistovan-svarar-aftur