Beint eftir náttúrða í gjárkvøldið varð ringt til løgregluna úr Skálavík at boða frá, at ein drona fleyg yvir bygdini.

Løgreglan fór á staðið, men tey sóu onga dronu. Og eftir at hava kannað málið er niðurstøðan, at talan var ikki um dronu.

Hinvegin var tyrlan hjá sjóverjuni á flogi í sambandi við venjingar, saman við einum fronskum herskipi.

Og løgreglan er sannførd um, at tað er hana, skálvíkingar hava tikið feil av og hava hildið, at tað var ein drona.

Sostatt gjørdi løgreglan ikki meiri við málið.