Norski krúnprinsurin hitti eina forvitna pressu seinnapartin, og hann gjørdi teimun greitt, hvørji raðfestingar hansara í løtuni eru.
Ódnin hevur herjað kring norsku kongshúsini, sum hevur verið tyngt av eini røð av gølum.
Seinnapartin fríggjadagin sendi kongshúsið út eina fráboðan frá krúnprinsessu Mette-Marit, har tey vístu at tey harmast av støðuni. Í dag hitti Haakon krúnprinsur eisini pressuna fyri fyrstu ferð, síðani Epstein-skandalan við konu hansara komu fram í ljósið.
Í einum videobroti, sum VG deilir á Instagram, sæst at spurningarnir frá journalistunum hegla niður yvir krúnprinsin, sum noyðist at geva sær tíð at finna røttu orðini.
Eg skilji væl, tú hevur nógvar spurningar. Tað hendir nógv, og tað er heilt legitimt. Eg fari ikki at svara spurningunum her og nú, byrjaði hann.
– Eg havi varhugan av, at vit mugu raðfesta í røttari raðfylgju. Fyri meg hevur tað týdningarmesta í hesum døgum verið at ansa eftir "flokkinum".
At stuðla Marius í tí støðu, hann er í. Vit ansa eisini eftir hinum børnunum, tey hava eisini brúk fyri at verða ansaði eftir. Og eg noyðist at ansa eftir krúnprinsessuni, og lukkutíð ansar hon eisini eftir mær, vóru boðini frá krúnprins Håkon, sum júst hevði verið og markera samiska tjóðardagin í einum samiskum barnagarði í Oslo.
