Tað er nú greitt, at Paul Watson skal verða sitandi í varðhaldinum í Grønlandi, í hvussu so er ein mánað afturat.
Tað er greitt, nú hann hevur verið í rættinum í Grønlandi í dag.
Hann varð handtikin 21. juni tí a Japan hevur eftirlýst hann altjóða, men enn er støða ikki tikin til umbønina úr Japan um at fáa hann útflýggjaðan.
Hann varð varðhaldsfongslaður til í morgin, men skuldi fyri rættin í dag at taka støðu til um hann skuldi leyslatast, ella verða sitandi í varðhaldinum.
Og niðurstøðan er, at hann skal verða sitandi til 2. oktobur. Grundgevingin er, at verður hann leyslatin, er vandi fyri at hann rýmir av landinum, áðrenn málið um at útflýggja hann, er avgreitt.
Avgerðin um at han skuldi verða sitandi í varðhaldinum, varð alt fyri eitt skotin inn fyri landsrættin, sigur grønlendski miðilin, Sermitsiaq.
