Tað hevur verið nakað av fólki í býnum í nátt og løgreglan sigur, at tað hevur eisini verið ófriðarligari enn tað plagdi at vera eina leygarnátt.
Í nátt vóru boð eftir løgregluni úr einum vertshúsi í Havn tí fólk vóru komin til ilnar. Løgreglan sigur, at har vóru tvey fólk upp í og nú skal løgreglan royna at fáa greiði á, akkurát hvat tað var, sum hendi.
Tey vænta, at eitt mál fer at spyrjast burtur úr, men um talan verður um eitt harðskapsmál vita tey ikki. Ein annar møguleiki er, at annað fólki, ella bæði, fáa bót fyri at bróta skilhaldsreglurnar. Hevur tað verið áfast teirra millum, er bótin 3.000 krónur
Løgreglan hevur eisini tikið ein útlending upp, sum var so fullur, at hann kláraði seg ikki sjálvur og í Klaksvík vóru eisini boð eftir løgregluni eftir nøkrum fullum útlendingum, sum ikki vóru grannhavandi.
Løgreglan roynir eisini at fáa greiði á, akkurát hvat er farið fram í hesum føri, men eisini tað endar kanska við eini skuldseting um harðskap, og eisini eini skuldseting um herverk.
