Klokkan 14 seinnapartin sunnudagin, verður stórt hátíðarhald í Oyndarfjørði, og tað er í samband við at ein nýggj standmynd verður avdúkað í bygdini.

Tað er listakvinnan, Lív Ejdesgaard, ið sjálv er úr Oyndarfjørði, sum hevur gjørt standmyndina, ið kallast Vónarinnar Ljós.

Tey siga, at standmyndin er til øll, sum hava mist og ætlanin er at geva fólki ein møguleiki at steðga á eina løtu og leggja merki til, hvussu ljósið eisini vinnur á sorgini.

Umframt at standmyndin verður avdúkað, verða røður og tónleikur á skránni og aftan á bjóða tey supp og ein drekkamunn.

Tiltakið er alment