Nevndarformaðurin, Hans Terje Vestergaard, Skrivarin Jóhan Hansen og Kassameistarin Lív Brúsá vórðu vald at forseta í uppgávunum, og varð Eliesar Eið valdur sum nýggjur næstformaður í nevndini. Nevndin sær nú soleiðis út:

Hans Terje Vestergaard, formaður

Eliesar Eið, næstformaður

Lív Brúsá, kassameistari og starvsfólkaumboð

Jóhan Hansen, skrivari

Maria á Lakjuni, nevndarlimur

Joanita Rasmussen, nevndarlimur

Pól Sundskarð, nevndarlimur

Sara Eið, nevndarlimur

Kári Østerø, nevndarlimur

UM LIV LÍVIÐ

Liv Lívið varð áður kent sum Blái Krossur Ungdómur, og er ungdómsfelagsskapurin hjá Bláa Krossi. Liv Lívið er um summarið at síggja á flestum festivalum við eyðkendu bingjuni, og nýggju rúsfríu barrini. Eisini hevur Liv Lívið fyri stuttum fingið nýggj ungdómshølir mitt í Havnini, ið ber heitið Hollywood, og fer vónandi um ikki ov leingi at hava fastar upplatingartíðir um vikuskiftið.

Liv Lívið hevur sum høvuðsendamál at upplýsa ung um rúsdrekka og rúsevnir, og ynskir at vera á staðnum har tørvurin er størstur, og veita eitt alternativ til rúsin, og tað umhvørvið, ið rúsurin ber við sær.