Nú hevur Landsstýrið lagt uppskot fyri Løgtingið um at avtaka mvg á ymsum vørum. Endamálið er at gera tað bíligari at liva - serliga hjá barnafamiljum.

Sostatt verður mvg nú strikað á eplum, frukt, grønmeti - eisini frystum grønmeti - og blæum til børn.

Landsstýrið sigur, at hetta fer at kosta landskassanum einar 22 milliónir um árið.

Uppskotið verður fíggjað - í hvussu so er partvís - við at hækka mvg á leigubilum, tá ið teir verð seldir.

Tá ið ein leigubilur verður seldur, kann ein stórur partur av mvg dragast frá. Men nú skal søla av leigubilum javntsetast við alla aðra sølu av brúktum bilum, og sostatt verður mvg frádrátturin strikaður.