Aksel V. Johannesen, sum hevur verið løgmaður í seinasta valskeiði, hevur nú lagt frá sær.

Í morgun skrivar www.in.fo, at í morgun hevur hann verið hjá Bjørt Samuelsen, løgtingsforkvinnu og boðað frá, at hann fær ikki skipað nýtt landsstýrið, og at hann tí leggur frá sær sum løgmaður.

Sostatt er formansumfar beint nú, har forfólkini í teimum sjey flokkunum fara at siga løgtingsforkvinnuni, hvønn tey halda skal standa fyri at skipa nýggja samgongu.

Tað er eingin ivi um, at nú verður tað Beinir Johannesen, formaður í Fólkaflokkinum, sum fær møguleikan. Tað var eisini Fólkaflokkurin, sum vann valið.