Nú er komið á mál við Miðnámi á Kambsdali

Stóra samanbyggingin í hjartanum á Miðnámi á Kambsdali er komin á mál, og nýggju hølini eru nú tikin í nýtslu.

Djóni Nolsøe Joensen, landsstýrismaður í barna- og útbúgvingarmálum, hevur hildið røðu á hátíðarhaldi í hesum sambandi.

Tað var stór gleði millum næmingar og starvsfólk, sum tóku ímóti glæsiligu nýggju kørmunum, sum grundleggjandi fara at broyta umstøðurnar á skúlanum. Nú hava næmingarnir fingið nógv betri møguleikar at savnast og fjølgast. Harumframt eru nýggj náttúruvísindalig undirvísingarhøli í serflokki.

Stóra skúlakórið, við umleið 60 næmingum, setti ein gleðiligan dám á hátíðarhaldið við góðum kórsangi. Eisini sang ein bólkur við kvinnuligum lærarum so yndisliga.

Í røðu síni fegnaðist landsstýrismaðurin um, at byggingin hevur hildið seg trygt innan karmarnar, sum politiska skipanin hevur ásett. Fyrireikingin hevur verið neyv og drúgv, meðan byggitíðin hevur verið stutt. Júst sum serfrøðin mælir til. Røðan kann lesast her:

https://www.bumr.fo/.../roedur-hja-landsstyrismanninum

Nú er komið á mál við Miðnámi á Kambsdali Nú er komið á mál við Miðnámi á Kambsdali

Nú hava næmingarnir fingið nógv betri møguleikar at savnast og fjølgast, og harumframt eru nýggj náttúruvísindalig undirvísingarhøli í serflokki

Mest lisið hesa vikuna

Eg eri blivin kallað bæði hora og golddigger

Ósemja millum starvsfelagar endaði við harðskapi

Publicservice og etikkur: Opið bræv til Kringvarp Føroya

Herverk á fleiri bilar - løgreglan sóknast eftir vitnum

Sissal fer at biðja sær farloyvi

Hava ikki funnið gerningsmannin enn