Nigeria tekur fegin ímóti hjálp frá USA til at steðga islamistiskum hermonnum og verja tey kristnu, so leingi økisrætturin í landinum ikki verður brotin.

Tað sigur ein talsmaður fyri forsetaskrivstovuna í Nigeria sambært Reuters, eftir at amerikanski forsetin, Donald Trump, hótti við at koma inn í Nigeria hernaðarliga.

Orsøkin til hóttanina er, at Nigeria sambært Trump ikki ger nóg mikið fyri at verja tey kristnu í landinum móti islamistiskum álopum.

– Vit fegnast um amerikanska hjálp, so leingi okkara økisrættur verður viðurkendur, sigur talsmaðurin úr Nigeria, Daniel Bwala.

Forsetin í Nigeria, Bola Tinubu, hevur annars áður mótmælt hesum áskoðanum um átrúnaðarliga ótoleransu.

Hann segði tá, at islamistarnir leggja á allar nigeriabúgvar – ikki bert kristnum.