Starvsfelagið heldur aðalfund leygardagin 1. mars. Undan aðalfundinum hevur felagið heitt á limir um at bjóða seg fram sum valevni.

Tveir nevndarlimir standa fyri vali, og nú er tað greitt, at talan verður um friðarval.

Hergeir Staksberg og Hildigerð Djurhuus eru nevndarlimir. Tey standa fyri vali og hava boðað frá, at tey bjóða seg fram at verða afturvald.

Nú er tað greitt, at eingin annar er í uppskoti at vera vald í nevndina. Tí fara tey bæði Hergeir Staksberg og Hildigerð Djurhuus at halda fram í nevndini. Valskeiðið er trý ár. Á aðalfundinum verður val av eykalimum.

Umframt tey bæði eru í nevndini Súni Selfoss, sum er formaður, Birita Fritleifsdóttir Kjærbæk, næstforkvinna og Borgný Mohr nevndarlimur.