Mette Frederiksen hevur í morgun hitt Nato-aðalskrivaran, Mark Rutte til í Brússel. Hettar upplýsir TV 2.

Fundurin teirra millum Mette Frederiksen og Mark Rutte, kom í lag eftir at amerikanski forsetin Donald Trump, mikudagin boðaði frá, at karmarnir fyri avtalu um Grønland vóru komnir uppá pláss.

Rutte deildi í morgun eina mynd av sær sjálvum og danska forsætisráðharranum, Mette Frederiksen eftir fundin, á X. Undir myndina skrivar hann:

- Vit fara at arbeiða saman fyri at tryggja, at alt NATO er trygt, og vit fara at byggja á okkara samstarv um at betra um avbyrgingina og verjuna í Arktis, segði hann.

Hann vísti eisini á, at Danmark framvegis gevur eitt trygt íkast til trygdina hjá NATO.