Seinnapartin í gjár fór ein útlendsk kvinna ein túr í fjøllini oman fyri Trongisvág. Men tá ið hon skuldu oman aftur, tordi hon ikki meir, tí hon helt, at knappliga var tað øgiliga bratt.

Tí ringdi hon til løgregluna eftir hjálp og tað gekk bæði skjótt og væl at fáa hana oman aftur.

Løgreglan í Suðuroy og tilbúgvingarleiðarin á Tvøroyri ringdu til kvinnuna og saman fingu tey vegleitt hana í telefonini, hvussu hon skuldi ganga, og tað var skjótt, so var hon aftur komin oman á slætt, sigur løgreglan.