Stórdómsnevndarfrágreiðingin, sum førdi til ákæruna um kynsligan menniskja-handil móti fyrrverandi unnustuni hjá Jeffrey Epstein, Ghislaine Maxwell, verður ikki kunngjørd. Tað skrivar AP.

Ein dómari hevur gjørt av, at lógin ikki loyvir at lata loyniligt tilfar frá einum rættarmáli, sjálvt um landsins stjórn vil tað.

Dómarin, sum hevur lisið tilfarið, leggur afturat, at tað ikki bendir á nakra skeivleika hjá nøkrum øðrum enn Epstein og Maxwell.

Tilfarið er forseglað av umsorgan fyri ofrunum í málinum.

Deyðin hjá Epstein fyri seks árum síðani á Metropolitan Correctional Center elvdi til ymiskar teoriir.

Ein teirra gekk ut uppá at hann var dripin av demokratum, og at hann snýtti rík og kend fólk.

T.d. avpressaði tey við myndum og sjónbondum av teimum, saman við ungum gentum.

Deyði hansara var dømdur sum sjálvmorð.