Í morgun byrja skúlarnir kring landið aftur og í hesum sambandi eru tað eisini eini 800 børn, sum fara í skúla á fyrsta sinni.

Løgreglan sigur, at tey plaga altíð at hava eitt vakið eyga við skúlaferðsluni og tað fara tey aftur at hava í ár. Sostatt fara tey fara at gera nógv burtur úr at ansa eftir børnunum og at alt er, sum tað eigur at vera.

Tí fara tey at vera til staðar við nakrar skúlar um morgnarnar - og tey fara eisini at vísa seg við nakrar skúlar nú e í morgun.

Í hesum sambandi fara tey at ansa eftir, at bilførarar koyra hampiliga, at børnini eru í trygdarbelti, og at tey smáu eisini sita á barnastóli.

Tey fara eisini at ansa eftir at børnini ikki sita við skúlataskuni á rygginum. Tað er heilt óforsvarligt, tí hendur ein samanstoytur, hava tey onga nakkaverju.

Annars hevur tað verið stak friðarligt hjá løgregluni hetta seinasta samdøgurið.