Tað er neyðugt at hækka pensónsaldurin.

Tað staðfesti Aksel V. Johannesen, løgmaður, enn einaferð í ólavsøkurøðuni, hann helt fyri eini løtu síðani.

Hann staðfesti, at tað er neyðugt at gera almenna raksturin effektivari fyri at fá fáa haldførið í búskapin,

– Tí eru øll politisku forfólkini samd um, at vit mugu tillaga almenna bygnaðin. Vit mugu nýskipa, umskipa og leggja eindir saman. Fáa meira fyri hvørja krónu, segði løgmaður.

– Tí var eisini breið semja um at hækka gjøldini á alivinnuna, og tí var tað rættvíst at hækka veiðigjøldini á uppsjóvarvinnuna, segði hann.

Men hann segði, at tað skal meiri til og skulu vit vera framsíggin, og tryggja fíggjarliga kappingarførið í longdini, noyðast vit at hækka pensjónsaldurin.

Nú liva vit 4-5 ár longri enn vit gjørdu fyri 40 árum síðani og tað er gott. Men tað merkir, at vit fáa pensjón í fleiri ár, og at vit gerast støðugt fleiri eldri.

– Men samstundis verða støðugt færri at rinda og tí hongur tað ikki saman, segði løgmaður.

Men hann sigur, at tey, sum hava arbeitt frá ungum árum, kunnu framvegis fara frá áðrenn pensjónsaldurin annars.

– Í løtuni samskifta vit við fakfeløg um, hvussu skipanin kann síggja út. Málið kemur ætlandi fyri tingið aftur seinni í ár, segði løgmaður.