í morgun hava fólk ringt til løgregluna at melda, at herverk er gjørt á fleiri bilar, sum stóðu parkeraðir í Bøgøtu í miðbýnum í Havn í nátt.

Løgreglan er akkurát farin á staðið, so tey vita ikki, hvussu nógvar bilar talan er um.

Men tey siga, at, í hvussu so er á summum bilum, er talan um dekk, sum eru skorin upp.

Løgreglan veit ikki, hvør hevur framt herverkið, men tey siga, at hevur nakað sæð okkurt illgrunasamt í Bøgøtu í nátt, eru fólk vælkomin at siga frá.