Danmark og Holland eru til reiðar at lata 14 Leopard 2 stríðsvognar til Ukraina.

Tað boðar hollendska verjumálaráðið frá, skrivar tíðindastovan Reuters.

Saman við Hollandi, boðaði Danmark í apríl frá, at londini fóru at lata stríðsvognarnir til Ukraina og gera teir til reiðar til kríggj.

Nú eru stríðsvognarnir kannaðir gjølla av týska vápnaframleiðaranum Rheinmetall, og eru klárir at fara til Ukraina síðst í summar, upplýsir hollendska verjumálaráðið.

Leopard 2 stríðsvognar verða mettir at vera ein av bestu og mest framkomnu stríðsvognunum, ið verða framleiddir.