Sunnunáttina varð herverj gjørt á fleiri bilar í Havnini. Herverk er gjørt á minst sjey bilar, men løgreglan sigur, at tað er trúligt at fleiri fráboðanir koma nú fólk skulu í bilin í morgun.

Løgreglan sigur, at talan er um bilar, sum hava staðið parkeraðir, men har onkur hevur stungið hol á eitt dekk undir hvørjum bili, heilt úr Tróndargøtu og niðan ígjøgnum býin, í Bøgøtu, Magnus Heinasonar Gøtu, Landavegnum og Jákup Nolsøesgøtu.

Løgreglan veit ikki, hvør tað er, sum hevur gjørt herverkini og tí heita tey á fólk, sum hava sæð okkurt illgrunasamt, um at venda sær til løgregluna.