Í gjárkvøldið boðaði løgreglan frá, at leitað varð efrir einum meksikanara, sum er horvin. Og løgreglan sigur í morgun, at hann er framvegis ikki komin aftur í aftur.

Talan er um 68 ára gamla meksikanaran, Pedro Enrique Moreno Hentz. Hann varð seinast sæddur á gistingarhúsinum í Havn fyrrapartin mikudagin.

Seinnapartin í gjár varð ryggsekkur hansara funnin í Mykisnesfjørði, og so var farið at leita.

Seinastu telefonupplýsingar hansara vísa, at á miðdegi mikudagin var hann onkustaðni við Bøsdalafoss.

Bjargingarlið hava leitað í alla nátt og løgreglan sigur, at nú tað aftur er daglýsi, er alt sett í verk fyri at leita, bæði á sjógvi og landi, bæði bjargingarlið, hundar, Brimil, og annað.

Løgreglan sigur, at veit onkur nakað um mannin, kann ringjast á nummar 351448, sum er løgreglan.