Í dag skal Løgtingið taka endaliga støðu til, um tað skal vera frí fosturtøka í Føroyum frá 12. viku

Málið varð samtykt mánakvøldið, men tað skal endaliga samtykkjast í dag, og verður tað ikki samtykt aftur í dag, er tað fallið.

Verður uppskotið samtykt, verður frí fosturtøka frá 1. juli næsta ár.

Men tinglimir, sum eru ímóti tí, gera nú eina seinastu roynd at forkoma tí. Í hesum sambandi hava fimm tinglimir lagt uppskot fyri Løgtingið um at útseta gildiskomuna til 1. janur í 2027.

Tað merkir, at á næsta løgtingsvali, sum verður einaferð næsta ár, kann veljarin siga sína hugsan, og tað nývalda Løgtingið kann taka endaliga avgerð.

Tey, sum seta uppskotið fram, eru sambandsmenninir, Helgi Abrahamsen og Jaspur Langgard, Steffan Klein Poulsen, tinglimur fyri Miðflokkin, Hanna Jensen, tinglimur fyri Framsókn og Bárður á Lakjuni, tinglimur fyri Fólkaflokkin.

Tey staðfesta, at málið um fosturtøku er rættiliga grundleggjandi fyri nógvar føroyingar. Men tað var ikki eitt høvuðsevni í valstríðnum til seinasta løgtingsval.