Ein niðurlendskur dómstólur sendi eina 13 ára gamla gentu í "statsliga umsorgan", tí at hon vildi gerast yngsti persónur at sigla einsamøll kring heimin.
Myndugleikarnir óttaðust fyri hennara trivnaði undir royndini.
Barnaverndarmyndugleikarnir tóku sær av Lauru Dekker í tveir mánaðir, meðan hon var mett av sálarfrøðingum.
Hóast hettar, búði hon framvegis hjá pápa sínum.
Almannaverkið í Hollandi førdi tá fram, at Laura Dekker var ov ung, til at meta um vandarnar við ferðini á rættan hátt.
Sálarfrøðingar søgdu eisini, at tað at vera einsamøll so leingi er skaðiligt í eini týðandi tíð í hennara menning.
Eftir átta dómsviðgerðir gekk tað, hon fekk grønt ljós at fara, og legði hon frá landi i Gibraltar í seglbátinum “Guppy”.
Fráferðin var tann 21.august í 2010 og hon kom heimaftur 21. januar í 2012.
Eitt ár og fimm mánaðir tók tað henni at sigla runt jørðina.
