Ein útlendskur maður á bólkinum Faroe Islands á Facebook, er sum tað tykist, hugtikin av tí vit øll hava sæð og upplivað undur EM í Oslo, nevniliga hvussu fjøldin av áskoðarunum hava sungið og rópt, fyri at stuðla spælarunum.

Hann skriva á vanganum:

- Um nakar hevur áhuga í tjóðsangi Føroya, Tú alfagra land mítt, við íblástri frá teimum rørandi senunum, sum verða vístar undan hvørjum EM-hondbóltsdysti, har Føroyar spælur, fekk eg eina góða leinkju at læra lagið og føroyska tekstin, saman við enskari týðing.

Eg plagi bara at syngja tá eingin hoyrir meg, men eg kundi hugsa mær at syngja saman við nógvum føroyingum á einum leikvølli onkustaðni í heiminum undir fótbólts- ella hondbóltsdysti.

Við hesum samleikanum eru teir altíð vinnarar, skrivar hann at enda.