Er dagurin nýttur til at klára jólaørindir komandi týsdag, ber til at enda dagin við at taka sær av løttum, og njóta eina fríløtu á Reinsarínum.

Har verður høvi at keypa sær eitt glas av gløgg at heita seg við, meðan rútmiska kórið XPERIMENT undirheldur við jólatónum. Tey byrja klokkan 19.00.

-Tað verður hugnaligt, livandi og í røttum jólastemningi, sum vit øll hava tørv á í desember.

Kom og fá tær eina herliga løtu við ektaðum jólahugna mitt í øllum desember-resinum, skrivar Tórsgøta á heimasíðuni.