Ungi føroyski fótbóltspælarin, Jóhanna Fossdalsá, varð í dag kosin ársins kvinnuliga talent í donskum fótbólti.

19-ára gamli danski landsliðspælarin er valdur av hennara liðfeløgum, og heiðurin verður latin í samstarvi við Spillerforeningen og Dansk Boldspil-Union (DBU).

- Eg eri sera errin, takksom og glað, tí eg veit, hvussu nógvir dugnaligir spælarar áður hava fingið hendan heiðurin, sigur Jóhanna Fossdalsá við DR Sporten.

- Eg fari at halda fram við harða arbeiðinum, tí har er enn nógv eg kann røkka og betra. Eisini verður eitt endaspæl í summar, sum eg gjarna vil við til.

Jóhanna, ið dagliga spælur við BK Häcken, fekk sín fyrsta landsdyst fyri Danmark í februar móti Eysturíki og hevur tilsamans spælt tríggjar dystir fyri Danmark.