Joe Biden hevur fingið sjúkueyðkenni fyri Kovid-19, og nú hevur Hvíta Húsið staðfest, at 81 ára gamli forsetin hevur fingið virussjúkuna.
Forsetin fer í sóttarhald, men fer enn at røkja sínar skyldur í húsunum í Delaware.
Nógv prát hevur verið um at skift forseta valevni fyri demokratiska flokkin til valið fyrst í novembur. Eftir at tað gjørdist sjónligt í kjakinum millum Biden og Trump, at kognitivu førleikarnir hjá Biden eru skerdir, er hetta ikki nakað, sum toymið handan valstríðið hjá Biden hevur tørv á. Nú sær hann ikki bert út sum ein gamal abbi, men eisini ein sjúkur gamal abbi.
Ein av týdningarmestu orsøkunum til, at Trump tapti valið 2020, var júst Korona. Hann sá ikki út til at taka smittuna í álvara, hóast umleið 1,1 milliónir fólk doyðu av henni. Biden sá tá út sum ein álítandi og tryggur maður at enda bardagan móti smittuni.
Um Korona vann Biden valið í 2020, kann Korona líka so væl vinna valið fyri Trump í 2024.
