Jákup Johansen og Ingi Jonhardsson hava undirskrivað nýggjan sáttmála við Víking sum tryggjar, at teir halda fram í felagnum til kappingarlok í 2027.

Hóast Jákup Johansen hevur fótbóltsuppvøkstur hjá Skála ÍF, er hann nú farin undir sítt sætta kappingarár í Sarpugerði. Við nýggja sáttmálanum verða í øllum førum, tvey ár løgd afturat tíðini hjá honum í felagnum.

Ingi Jonhardsson hevur hinvegin spælt øll síni ár í ljósabláum og er sostatt ein leikari, ið kennir felagið frá grundini av.

Talan er um tveir royndar leikarar, sum hava verið ein týðandi partur av hópinum hjá Víkingi, og sum nú eisini eru klárir at umboða felagið komandi árini.