Galaxy, sum avloysir Smyril ímeðan hann er í dokk, hevur ikki hepnast serliga væl. Umstøðurnar til sjúkraflutning eru vánaligar, og í fleiri dagar upp í slag, broytti hann ferðaætlan og avlýsti túrar.

Harumframt siglur hann seinni enn Smyril, so hann klárar bara tveir túrar um dagin, uttan at gera seg inn á hvílitíðir og annað hjá manningini.

Hetta hevur verið eitt stórt bakkast fyri suðuroyingar. Umframt at lítið álit hevur verið í siglingini, er Rættiligur stígur eisini komin í ferðavinnuna, umframt at hetta hevur rakt ítrótting og felagslív annars, hart.

Og nú flýtur yvir hjá Suðuroyingum, so í dag møtti stórt tal av fólki á Krambatanga at mótmæla støðuni, og at krevja, at politikarnir taka betri partar fyri seg.

Hetta skulu suðuroyingar aldrin uppliva aftur, varð sagt, umaftur og umaftur.

Samstundis eru tey farin at samla undirskriftir í Suðuroy at mótmæla støðuni - og tá ið Smyril er komin aftur í sigling, fara tey norður eftir at handa landsstýrinum undirskriftirnar.

Blokkur fer at liggja í hvørjum handli í oynni, har fólk kunnu mótmæla.

Niðan fyri eru nakrar myndir frá mótmælistiltakinum í dag.

Her eru nakrar myndir frá mótmælistiltakinum í dag: