Tað vísir ein greining frá ráðgevingarfyritøkuni Arctica Finance, sum varð almannakunngjørd 28. apríl 2026, skrivar íslendska Ríkisútvarpið RÚV.
Greiningin vísir, at samlaða ávirkanin kann verða positiv – eisini uttan serlig undantøk frá felags fiskivinnupolitikkinum hjá ES.
Kvotur kunnu vaksa nógv í virði
Sambært greiningini kann eftirspurningurin eftir íslendskum fiskirættindum vaksa í samband við ES-limaskap. Tað vil siga, at limaskapur í ES kann lyfta virðið á íslendskum kvotum munandi.
Sama dag sum greiningin varð almannakunngjørd, hækkaðu partabrøv í íslendskum fiskivinnufeløgum við umleið 5–6 prosentum.
Óvissa um undantøk
Ein týðandi spurningur er, um Ísland kann fáa undantøk frá felags fiskivinnupolitikkinum hjá ES. Sambært greiningini er tað møguligt at samráðast um bæði fyribils og varandi undantøk. Men úrslitið er ógreitt.
Uttan undantøk verða avgerðir um veiðikvotur fluttar til ES-stig. Tað er European Commission, sum leggur fram uppskot um árligar kvotur, meðan limalondini samráðast um endaligu tølini.
➡️ Les eisini 🔗 Fiskivinnan er lykilin í ES-samráðingum við Ísland
Nýggjar reglur fyri eigaraskap og íløgur
Eitt limaskapur uttan undantøk fer eisini at lata upp fyri útlendskum íløgum. Feløg úr øllum ES kunnu keypa íslendsk fiskivinnufeløg og kvotur.
Samtíðis fáa íslendsk feløg lættari atgongd til íløgur í Evropa. Greiningin metir, at áhugin fyri uppkeypi verður stórur.
Arctica Finance staðfestir, at samlaðu búskaparligu ávirkanirnar fyri tey størstu fiskivinnufeløgini í Íslandi sannlíkt verða jaligar. Tað er galdandi – eisini í einum føri, har eingi serlig undantøk verða fingin frá ES.
