Í nátt var løgreglan úti fyri eini heldur sjáldsamari hending.

Tá ringdi nevniliga ein maður til løgregluna at melda seg sjálvan fyri innbrot.

Hann hevði brotið inn á apotekið í SMS við at bróta ein rút, men hann hevði einki stolið.

Men tá ið hann var komin út aftur, gjørdi hann ikki mætari enn at ringja til løgregluna at melda seg sjálvan.

Løgreglan sigur, at tey fóru eftir manninum, og nú er hann skuldsettur fyri innbrot.