Luftrúmi yvir Aalborg  varð aftur stongt seint hósdagin, bert eitt samdøgur eftir at løgreglan í Norðurjútlandi boðaði frá, at átakið móti ókendum dronum í økinum var liðugt.

Umleið á mindátt, bleiv luftrúmið yvir Aalborg stongt, eftir at eitt løgreglufólk fekk eyga á eitt fyribrigdi, ið líktist eini dronu. Hetta váttar vaktleiðarin hjá løgregluni, Christian Tilsted.

Fleiri líknandi tilburðir í vikuni
Mikudagin og fram ósdagarmorgun varð flogferðslan í Aalborg eisini darvað av dronum, og luftrúmið var stongt í fleiri tímar. Løgreglan váttaði á tíðindafundi, at fleiri dronur við ljósum vórðu sæddar, og hesar líktust teimum, sum eisini vórðu eygleiddar yvir Kastrup fyrr í vikuni.

Líknandi fráboðanir eru komnar, bæði frá flogvøllinum í  Oslo  og kring Rønne  á Bornholm, har fólk hava sæð ljós og møguligar dronur. Eisini varð Billund Lufthavn rakt hósdagin, har luftrúmið í stutt tíð varð stongt orsakað av líknandi umstøðum.