Leygarkvøldið setir A-landsliðið við monnum sjøtul á undankappingina til HM 2026. Fyrsti dysturin er á útivølli móti Kekkia, sum á nýggjasta styrkislistanum hjá FIFA er nummar 42 í heiminum.
Føroyski hópurin kom til Kekkia seinnapartin hósdagin, og fríggjakvøldið varð vant á Malsovicka Arena í Hradec Kralove, ið er leikvøllurin, har dysturin skal spælast. Á Malsovicka Arena er pláss fyri 9.300 áskoðarum, og sambært fyriskiparunum verður nærum fullsett tá slovenski dómarin bríkslar í gongd.
Áðrenn venjingina fríggjakvøldið fekk FSF Varpið orðið á René Shaki Joensen, ið higartil er skrásettur fyri 60 dystir og 3 mál fyri A-landsliðið.
