Hanna Vang, sum er løgtingsins umboðsmaður, er nú vald at røkja starvið í eina setu afturat.

Tað hevur Løgtingið einmælt samtykt í morgun.

Valskeiðið hjá løgtingsins umboðsmanni er fimm ár og nú var so stundin komin til at Løgtingið aftur skuldi velja umboðsmannin hesi næstu fimm árini.

Uppskot var um at velja Honnu Vang at halda fram í embætinum og tað varð einmælt samtykt.

Og so kann viðmerkjast, at tað eitur framvegis Løgtingsins umboðsmaður, hóast tað er ein kvinna, sum røkir starvið.