Ætlanin var, at síðstu dystur í 3. umfari í landskappingini skuldi vera í Sarpugerði í annaðkvøld, tá ið Víkingur skuldi fáa vitjan av HB.

Nú boðar Fótbóltssambandið frá, at dysturin er útsettur til annað mikukvøld ella mikukvøldið 1. apríl, sum er dagurin undan skírisdegi.

Landsliðið fer av landinum nú mikumorgunin og fer at spæla vinadyst á útivølli móti San Marino leygardagin, og tað verður eftir, at landsliðshópurin er komin aftur til Føroya, at síðsta dysturin í 3. umfari verður.