Vísindafólk hava funnið koffein og kokain í blóðinum á hávum í havinum runt Bahamasoyggjarnar.
Ein bólkur av vísindafólkum hevur greinað blóðroyndir frá 85 hávum í økinum og funnið spor av koffeini, pínustillandi og øðrum rúsevnum í 28 av teimum, skrivar Science News. Ein hávur var eisini kannaður positivur fyri kokain.
Hávarnir bíta í ting fyri at kanna, hvat tað er, og kunnu tí enda við at verða útsettir fyri rúsevnunum, stendur í fráboðanini.
-Men tað er mest tí, at fólk fara har sum hávarnir eru, kavara og onnur sum pissa í sjógvin, ella stoyta kloakkvatn úr bátum teirra á sjógv, sigur Natascha Wosnick, lívfrøðingur á háskúlanum í Paraná í Brasil.
Dálkaða blóðið hjá ymisku sløgunum, eitt nú sokallaðu Karibiskum Skervhávum, avdúkar skaðan, sum menniskju hava gjørt á havumhvørvið.
-Vit tosa um eina sera fjarskotna oyggj á Bahamaoyggjunum, sigur Wosnick. Hon er partur av einum toymi, sum hevur greinað dálkandi evni í hávum í Karibia og Brasil.
