Í gjár gjørdi løgreglan nakað burtur úr at kanna ferðsluna. Og í tí sambandi tóku teir tveir bilførarar, sum framvegis høvdu píkadekk undir bilinum, hóast tað nú er ein vika síðani tað ikk longur var loyvt at koyra við píkadekkum.

Tað fáa teir 1.000 krónur í bót fyri í part.

Men verri var hjá tveimum øðrum bilførarum, tí teir fara kanska at missa koyrikortið. Annar varð tikin á Oyggjarvegnum og tá ið hann varð kannaður, vísti tað seg, at hann var ávirkaður av rúsevnum.

Og í norðan fyri varð eisini ein bilførari tikin fyri rúsevnakoyring.

Blóðroynd er tikin av teimum báðum, og revsingin verður so ásett eftir, hvussu ávirkaðir teir vóru.