Í hesum døgum hevur føroyska handverkaravinnan bás til Euroskills, sum er í Herning. Euroskills er ein EM-kapping millum handverkslærlingar, men føroyingar sleppa ikki at luttaka, tí vit ikki eru við í evroparáðnum.
Ein básur skal kortini gera vart við føroyskt handverk og seta sjóneykuna á føroyskan limaskap. Básurin fangaði uppmerksemi hjá kongi, tá ið hann vitjaði kappingina.
Í básinum stendur føroyskur bátur, sum John Høgnesen hevur smíðað til høvið. Og bakgrundina ger Livar Nysted, sum málar ein stóran málning av einum 10-mannafari.
Kongur var so mikið hugtikin av hesum virkseminum, at hann steðgaði á og doypti enn tá bátarnar.
Hoyr samrøðuna, sum FM1 gjørdi við Marius Thomassen, ráðgeva í Vinnuhúsinum, her:
