Í fjør hevði føroyska byggivinnan størri yvirskot enn nakrantíð.

Tað vísir uppgerð hjá Hagstovuni:

Síðani 2021 er avlopið í byggivinnuni hækkað hvørt ár. Í fjør var avlopið slakar 262 milliónir, ið er hægsta úrslitið nakrantíð. 

Hendan talvan vísir gongdina í byggivinnuni hesi seinastu árini

Í bólkinum, sum eitur Húsasmíð – sum bæði fevnir um at smíða bústaðir og vinnubygningar – er úrslitið vaksið 41 prosent frá 72 milliónum krónum í 2023 til 102 milliónir krónur í fjør.

Úrslitið í bólkinum, sum eitur el-, rør- og annað innleggingarvirksemi, er hækkað úr 60 milliónum krónum í 2023 til 72 milliónir í fjør.