Nú verður av álvara talt niður her í Unity Arena í Fornebu. Portugisisku dómararnir Daniel Accoto Martins og Roberto Accoto Martins fara at bríksla fyrstu ferð klokkan 17.

Føroysku spælararnir, sum í kvøld eru millum áskoðararnar, eru aftur hesa ferð Helgi Hildarson Hoydal og Kjartan Johansen.

Áskoðararnir hava hitað upp síðani í morgun, og nú sita og standa teir spentir krong vøllin – fleiri enn seks túsund.

Áskoðararnir hava avrátt, hvussu tað skal farast fram, so teir alla tíðina hoyrast og síggjast.

Nú tá ið spælararnir renna inn á vøllin, og ljósini eru dempað, hava teir ljósini í fartelefonunum tendrað.

Teir fyrstu sjey vera teir somu, sum teir vóru ímóti Sveis. Undantakið er, at Pætur Mikkjalsson er í miðverjuni heldur enn Teis Horn Rasmussen.