Leikluturin hjá føroysku fótbóltsfeløgunum í Europa er av á hesum sinni.
Í kvøld spældu KÍ og Víkingur á útivølli. Felags fyri bæði KÍ og Víking var, at tey í síðstu viku vunnu á heimavølli.
KÍ vann 2-0 ímóti Neuman úr Hvítarusslandi, og Víkingur vann 2-1 ímóti Linfield úr Norðurírlandi.
Í kvøld tapti Víkingur 2-0 á Windsor Park í Belfast. Tað bar við sær, at Linfield vann samantalt 3-2.
Í kvøld tapti KÍ 2-0 í Szeged í Ungarn, har liðið úr Hvítarusslandi átti heimavøll. So stóð á jøvnum 2-2, og soleiðis var støðan eisini eftir longda leiktíð.
Í brotssparkskappingini umsetti heimaliðið øll brotsspørkini til mál, meðan KÍ umsetti fýra brotsspørk til mál. Patrik Johannesen sendi annað brotssparkið við síðuna av málinum.
Tað hevur eyðkent avrikini hjá KÍ í summar, at verjan hevur verið sum bergið. Undan dystinum í kvøld var bara eitt mál farið ígjøgnum. Tað var á útivølli ímóti finska SJK, tá ið KÍ vann 2-1.
Í kvøld var tað mistak í verjuni, sum tíggju minuttir undan leikloki bar 1-0 leiðslumálið til heimaliðið við sær, og tað gav av álvara heimamonnunum blóð á tonna og so var 2-0 og longd leiktíð.
Hjá KÍ snýr restin av hesum kappingarárinum seg um at verja oddasessin í landskappingini og at vinna steypafinaluna ímóti Víkingi.
Hjá Víkingi snýr restin av hesum kappingarárinum seg um at halda tørn um fjórða plássið og harvið at vinna rættin til næsta ár at luttaka í Europa. Hin møguleikin at vinna pláss í Europa er at vinna steypafinaluna ímóti KÍ.
Bæði KÍ og Víkingur fara mánakvøldið at spæla í landskappingini.
KÍ fer at spæla á útivølli ímóti B36.
Víkingur fer at spæla á heimavølli ímóti grannunum í NSÍ.
Neuman – KÍ 2-0 (0-0) 2-0 eftir longda leiktíð 5-4 í brotssparkskapping
1-0: Gulzhigit Borubaev 80.
2-0: Yuri Pantya 84.
Brotssparkskapping
0-1: Árni Frederiksberg
1-1: Yegor Parkhomenko
1-1: Patrik Johannesen – við síðuna av
2-1: Yuri Klochkov
2-2: Jákup B. Andreasen
3-2: Yegor Zubovich
3-3: Daniel Johansen
4-3: Maksim Kravtsov
4-4: Gilli Rólantsson Sørensen
5-4: Valon Ahmedi
Dómari úr Skotlandi: Donald Robertson
Neuman úr Hvítarusslani er samantaldur vinnari við málmuninum 7-6
KÍ: Sebastian Linnet John – Jóannes K. Danielsen (Claes Philip Kronberg, 106.), Odmar Færø (Gilli Rólantsson Sørensen, 11.), Deni Pavlovic (Martin Gonzalez, 106.), Gaston Nicolas Tellechea, René Shaki Joensen (Dávid B. Andreasen, 81.) – Árni Frederiksberg, Hallur Hansson (Daniel Johansen, 61.), Jákup B. Andreasen, Patrik Johannesen – Páll A. Klettskarð (Mads Bo Mikkelsen, 81.)
Á beinkinum uttan at verða skiftir inn: Mark F. Jensen, Robert Williams, Jonn Johannesen, Filip Brattbakk, Páll Müller, Ahmed Latif,
Gult kort: Gilli Rólantsson Sørensen, Mads Bo Mikkelsen, Patrik Johannesen
Reytt kort: Mads Bo Mikkelsen 112.
Venjari: Magnus Powell
Linfield – Víkingur 2-0 (2-0)
1-0: Kieran Offord 22.
2-0: Sjálvmál 38.
Dómari úr Kekkia: Marek Radina
Linfield samantaldur við málmuninum 3-2
Víkingur: Bárður á Reynatrøð – Ari Olsen, Ingi Arngrímsson (Rani Hansen, 88.), Atli Gregersen, Arnbjørn Svensson, Ingi Jonhardsson – Aron Jarnskor Ellingsgaard (Stefan Radosavljevic, 73.), Sølvi Vatnhamar, Árni Nói Atlason (Arnór Brandsson, 88.), Poul Kallsberg – Jákup Johansen (Jørgen Nielsen, 73.)
Á beinkinum uttan at verða skiftir inn: Hans Jákup Arngrímsson, Ragnar Skála, Páll Eirik Djurhuus, Jákup Martin Jarnskor, Bjørn Bjarkhamar, Jósef Ólavsson, Martin Klein Joensen
Gult kort: Ari Olsen, Atli Gregersen, Aron Jarnskor Ellingsgaard, Ingi Arngrímsson, Arnbjørn Svensson
