Í gjár varð ringt til løgregluna at boða frá, at tað var nógvur roykur í einum sethúsum í Havn. Sløkkiliðið varð boðsend, men tað vísti seg, at talan var bara um royk, men ikki um eld.

Tað var ein unglingi, sum ringdi til løgregluni. Hann segði, at roykurin kom frá einum breyðristara, sum stóð á einum komfýri. Men so var onkur komin til at tendra plátuna, so breyðristarin fór upp í royk - og talan var um rættiliga nógvan royk. Unglingurin hevði fingið blaka breyðristaran út í tún, men ringdi kortini til løgregluna.

Løgreglan sigur, at tann, sum hevur ábyrgdina av húsunum, verður skuldsettur fyri at hava brotið tilbúgvingarlógina.

Tað er hann fyri at hava verið so óansin at hava tendrað komfýrin við einum breyðrisara á so at vandi var fyri eldi. Bótin er 1000 krónur.