Hann varð handtikin fyrrapartin leygardagin eftir nøkur fólk vóru komin til ilnar á alfaravegi í Havn.

Men tá ið løgreglan skuldi leggja upp í at skilja sundur, varð ein løgreglumaður sparkaður í andlitið.

Hóttanir vórðu eisini settar fram ímóti løgreglufólkunum.

Gerningsmaðurin varð handtikin og skuldsettur. Men tá ið umstøðurnar vórðu kannaðar, vísti tað seg, at gerningsmaðurin hevur gjørt nøkunlunda sama brotsverk eina ferð fyrr í ár.

Tí varð hann settur í brummuna og førdur fyri rættin fyrrpartin í gjár við kravi um, at hann varð varðhaldsfongslaður.

Tað var dómarin samdur í og sostatt varð hann sendur í Mjørkadal at sita í eina tíð, til løgreglan fær lýst málið út í æsir, og so verður hann aftur førdur fyri rættin har hann fær tann endaliga dómin.